პროექტის მიზანია თავი მოუყაროს ქართულ ხელნაწერთან დაკავშირებულ ყველა ძირითად საკითხს; დაგროვილი ისტორიულ-ფილოლოგიური ნაშრომებისა და დამოუკიდებელი კვლევების საფუძველზე მოახდინოს ქართულ ხელნაწერ მემკვიდრეობასთან დაკავშირებული ერთიანი სურათის რეკონსტრუქცია.

ჰუმანიტარულ მეცნიერებებში საინფორმაციო ტექნოლოგიების აქტიურად ჩართვა მეცნიერთათვის კვლევითი პროცესის გამარტივებას გამოიწვევს.

Online ენციკლოპედია დაინტერესებულ პირებს საშუალებას მისცემს სწრაფად მოიძიონ და გაეცნონ მათთვის საჭირო ინფორმაციას. ინგლისურენოვანი ვერსიის არსებობა კი უზრუნველყოფს ქართული ხელნაწერის შესახებ არსებული ინფორმაციის ხელმისაწვდომობას უცხოელ მკვლევართათვის და დაინტერესებულ პირთათვის.

ელექტრონული ენციკლოპედია განკუთვნილი იქნება როგორც სპეციალისტების, ისე ფართო საზოგადოებისთვის, მისი გამოყენება აქტიურად იქნება შესაძლებელი საგანმანათლებლო პროცესშიც.

წარმოდგენილი პროექტი ქართულ ხელნაწერ კულტურაზე ენციკლოპედიის შექმნის პირველი მცდელობაა.
 

როგორ ვატარებთ ონლაინ კვლევებს?

POLLING.GE პასუხობს კვლევის ყველა საბაზისო თანამედროვე მოთხოვნას მოხერხებულობის, უსაფრთხოების, ოპერატიულობისა და ინტერნეტ მომხმარებელთა მიერ მოწოდებული ინფორმაციის გადამუშავების თვალსაზრისით და მოიცავს:

* აუდიტორიის ფართო სპექტრს (1000 - ზე მეტი რესპონდენტი 1 გამოკითხვისას)
* გამოკითხვის შეფარდება რესპონდენტების სოციალურ, დემოგრაფიულ და სხვა მახასიათებლებთან
* გამოკვლევათა ოპერატიულობა (5-7 დღე)

ჩვენი ონლაინ კვლევის სისტემა ყველაზე ახლოს საფოსტო გამკითხვა-ანკეტირებასთან არის. ცნობილია, რომ საფოსტო გამოკითხვისას ანკეტების დაბრუნების სიხშირე ბევრ ისეთ ცვლად ფაქტორზეა დამოკიდებული, როგორიცაა: გამოკითხვის თემა, პოტენციურ რესპოდენტთა შემადგენლობა, წელიწადის დრო, ანკეტის სტრუქტურა, დიზაინი, რესპოდენტთან მიმარტვის სახე და ა.შ.

ჩვენი ონლაინ აუდიტორია ყალიბდება ჩვენს მიერ დაგზავნილ სპეციალურ გზავნილებზე ხელმომწერებისაგან, რომლებიც არ განიხილავენ ელექტრონულ გზავნილს მიიღონ მონაწილეობა გამოკითხვაში როგორც სპამს. გარდა ამისა რესპონდენტების ინტერესი და აქტიურობა სტიმულირდება ამა თუ იმ გამოკითხვისას მიღებული შედეგების გამოქვეყნებითა და სხვადასხვა პრიზების გათამაშებით.

კვლევაში ხელმეორედ მონაწილეობის დროს, რესპონდენტებს არ უწევთ მუდმივად თავიანთი პირადი მონაცემების ანკეტაში შეყვანა. ეს მონაცემები საინფორმაციო ბაზაშია შენახული ხელმოწერაზე თანხმობის გაცხადების შემდეგ. როგორც კვლევების საფუძველზეა ცნობილი, ხელმომწერთა არანაკლებ 80% სრულად ავსებს თავის პირად მონაცემთა ველს, თუმცა მათ მიერ გაცხადებული მონაცემები არ გადაეცემა მესამე პირებს და მკაცრად კონფიდენციალურია.

კვლევის ონლაინ ანკეტა, რომელიც ეგზავნება ხელმომწერებს და ასევე გამოქვეყნებულია საიტზე POLLING.GE ძირითადად შედგება 5 - 8 შეკითხვისაგან. თუ ჩაფიქრებულია მოცულობითი კვლევის ჩატარება, კითხვარები დგება თემატიკის მიხედვით და შეიძლება დაგზავნილი იქნას ცალ - ცალკე. ანკეტის შესავსებად რესპოდენტებს მხოლოდ 5 - 6 წუთი სჭირდებათ.

ონლაინ ანკეტების შევსების ეს მეთოდი, სხვა ტრადიციული მეთოდებისაგან განსხვავებით, საშუალებას იძლევა გაიზარდოს დაბრუნებულ პასუხთა რიცხვი. როგორც კვლევებითაა ცნობილი, ხმის მიცემა ოპერატიულად ხორციელდება: 80% პასუხობს პირველ ორ დღეში, 10-15% მომდევნო სამ დღეში, მოგვიანებით კი არა უმეტეს 5%.

როგორ ვატარებთ ონლაინ რეიტინგებს და ონლაინ გამოკითხვებს?

აქ მონაწილეობა ყველას, POLLING.GE - ზე არადარეგისტრირებულ ადამიანსაც შეუძლია, რომელიც ამ საიტს ეწვევა. ამ შემთხვევაში, საიტზე შემოსული ადამიანი არ არის ვალდებული გაიაროს რეგისტრაცია ამ გამოკითხვებში მონაწილეობის მისაღებად. ეს სისტემა ისეა ორგანიზებული, რომ ის დაცულია ორმაგი ხმის მიცემისაგან. ის დაზღვეულია პროგრამულად, რაც გულისხმობს დარეგისტრირებულ რესპონდენტთა IP და E-mail მისამართების იდენტიფიკაციას ინდივიდუალური სააღრიცხვო ჩანაწერის საშუალებით (Cookie). რესპონდენტთა კომპიუტერების 98%, გააჩნიათ Cookie -ს ფუნქციები.

პროექტის მიზანია ახალგაზრდებში ხელით წერის კულტურის განვითარება და მათი შემოქმედებითი უნარის წარმოჩენა.

კონკურსში მონაწილეობის მიღება შეუძლიათ საქართველოს საჯარო და კერძო სკოლების V-XII კლასის მოსწავლეებს.

კონკურსი „ქართული კალიგრაფია“ სამ ტურად ჩატარდება, მონაწილეთა ნამუშევრების შეფასებას უზრუნველყოფს კვალიფიციური ჟიური, გამარჯვებული გამოვლინდება სხვადასხვა ნომინაციაში.

მოსწავლეთა მიერ შექმნილი საუკეთესო კალიგრაფიული ნიმუშები გამოიფინება პროფესიონალ კალიგრაფთა ნამუშევრებთან ერთად და შეინახება ხელნაწერთა ეროვნულ ცენტრში.  

გასაგები მიზეზების გამო 2008 წლის „მემატიანეები“ ძირითადად რუსეთ-საქართველოს ომის შესახებ მოგვითხრობენ.

ხელნაწერთა ეროვნული ცენტრი განაგრძობს ხელნაწერების შეგროვებას. ამჟამად აქციაში მონაწილეობის შესაძლებლობა ექნება საქართველოს ყველა მოქალაქეს.

პროექტის მიზანია მომავალ თაობებს შეუნახოს უამრავი ადამიანის თვალით დანახული და ფურცლებზე გადმოტანილი გასული წლის მოვლენები: პოლიტიკური, ეკონომიკური, სოციალური, კულტურული პროგრესი, რეგრესი, ამა თუ იმ სფეროში შექმნილი ვითარება.

„მემატიანეების“ ნაწერები იქნება თანამედროვე ეპოქის ერთგვარი სარკე მომავალი თაობებისთვის, მათთვის შესაძლებელი გახდება წარსულის გაცოცხლება სწორედ თქვენი ხელნაწერის საშუალებით.

2009 წლის მნიშვნელოვანი ამბების (მოვლენების, ფაქტების) შეფასება უნდა იყოს წერილობითი, „მემატიანის“ ხელით შესრულებული. („რესპონდენტი“ თავისუფალია თემატიკის, მოცულობის, საწერი საშუალებების შერჩევაში. „მატიანეში“ მიმოხილული უნდა იყოს „რესპონდენტის“ მიერ დასახელებული გასული წლის ყველაზე მნიშვნელოვანი ამბები (მოვლენები, ფაქტები), რომელზეც უნდა გამოთქვას საკუთარი მოსაზრება. სასურველია, ხელნაწერში მიმოხილული თემატიკა შეიცავდეს ანალიზს, პიროვნების ინდივიდუალურ ხედვას, დამოკიდებულებას ამა თუ იმ მოვლენისადმი).

2010 წელს პროექტს ემატება ახალი მიმართულება – „ფოტომატიანე“. მასალის წარმოდგენა შეიძლება ფოტორეპორტაჟისა და ვიდეოჩანაწერის სახითაც, რომელიც ასახავს 2009 წელს ქვეყანაში ან „რესპონდენტის“ ცხოვრებაში მომხდარ მნიშვნელოვან ამბებს (მოვლენებს, ფაქტებს). აქციაში მონაწილეობის მსურველებს შეეძლებათ ხელნაწერთა ეროვნულ ცენტრში გამოაგზავნონ ნამუშევრების როგორც ბეჭდური, ისე ციფრული ვარიანტი (ციფრული ვერსიების გადმოგზავნა შესაძლებელია ელექტრონულ ფოსტაზე: info@manuscript.ac.ge).

ხელნაწერები, ფოტო და ვიდეომასალები შეინახება ხელნაწერთა ეროვნულ ცენტრში. იგეგმება პროექტის პრეზენტაცია და შეგროვებული მასალის ოფიციალური გადაცემის ცერემონიალი.

განზრახული გვაქვს, პროექტს მივცეთ ტრადიციული სახე და ვთხოვოთ თანამედროვე „მემატიანეებს“ დაუტოვონ მომავალ თაობებს საკუთარი ნააზრევი გასული წლის შეფასების სახით. გთავაზობთ, მონაწილეობა მიიღოთ აღნიშნულ აქციაში.

გახდით „ახალი მემატიანე“, დაუტოვეთ წარსული მომავალს...